ఇంటర్నెట్ డెస్క్: కాంగ్రెస్ పార్టీ పాత ప్రధాన కార్యాలయాన్ని ఖాళీ చేయాలని కేంద్రం నోటీసులు జారీ చేసింది. ఢిల్లీలోని 24 అక్బర్ రోడ్డులో ఉన్న ఈ ఆఫీసును శనివారం (మార్చి, 28) లోగా ఖాళీ చేయాలని నోటీసుల్లో సూచించినట్లు ఆంగ్ల మీడియా కథనాలు వెల్లడించాయి. గత 48 ఏళ్ల పాటు ఈ బంగ్లానే కాంగ్రెస్ పార్టీ ప్రధాన కార్యాలయంలో (పార్టీ కార్యాలయం) కొనసాగింది.
కోట్లా మార్గ్లో ‘ఇందిరా భవన్'(ఇందిరా భవన్) పేరుతో కొత్త ఆఫీసును ప్రారంభించినా.. ఇప్పటికీ అక్బర్ రోడ్డు ఆఫీసు నుంచే కార్యకలాపాలు సాగుతున్నాయి. అయితే, ప్రభుత్వ బంగ్లాలో పార్టీ కార్యాలయాలు ఉండకూడదని గతంలో కేంద్ర ప్రభుత్వం నిర్ణయం తీసుకుంది. అందుకు అనుగుణంగానే పార్టీలు సొంత భవనాలు నిర్మించుకున్నాయి. కాంగ్రెస్ (కాంగ్రెస్) కొత్త ఆఫీసును కూడా ఏర్పాటు చేసుకున్నప్పటికీ.. పాత బంగ్లాను ఖాళీ చేయలేదు. ఈ విదంగానే ప్రభుత్వం కాంగ్రెస్ పార్టీకి నోటీసులు జారీ చేసింది. అక్బర్ రోడ్డులోని బంగ్లాతో పాటు 5, రైసినా రోడ్డులో ఉన్న యూత్ కాంగ్రెస్ ఆఫీసును కూడా శనివారం లోగా ఖాళీ చేయాల్సి ఉంది. కాంగ్రెస్ ఎంపీ, సీనియర్ లాయర్ అభిషేక్ మను సింఘ్వీ సూచన.. ”ఇది చట్ట విరుద్ధమైన, రాజకీయ ప్రేరేపిత చర్య. అన్నివిధాల న్యాయపరమైన చర్యలు తీసుకునేందుకు పార్టీ సిద్ధమైంది” అని తెలిపారు.
అక్బర్ రోడ్డులోని ఈ బంగ్లాకు సుదీర్ఘమైన చరిత్ర ఉంది. 1960లో భారత్కు మయన్మార్ రాయబారిగా వ్యవహరించిన డా.ఖిన్ కీ ఇందులో నివాసం ఉన్నారు. ఆయన కుమార్తె, నోబెల్ గ్రహీత(నోబెల్ శాంతి బహుమతి) ఆంగ్సాన్ సూకీ ఎన్నోఏళ్ల పాటు ఇక్కడ గడిపారు. 1977 ఎన్నికల్లో ఓటమి తర్వాత కాంగ్రెస్ పార్టీ రెండుగా చీలింది. ఆ తర్వాత ఇందిరాగాంధీ వర్గానికి చెందిన కాంగ్రెస్ పార్టీ ఆఫీసు కోసం అప్పట్లో అక్బర్ రోడ్డులోని బంగ్లాను కేటాయించారు. అప్పటినుంచి నాలుగు దశాబ్దాల పాటు కాంగ్రెస్కు ఇది చిరునామాగా మారింది.