టాప్ 10 బెస్ట్ సెల్లింగ్ కార్లు,ఇండియాలో ఎక్కువగా అమ్ముడైన టాప్-10 కార్లు ఇవే.. మారుతీ నుంచి ఆరు.. టాటానే టాప్.. అక్టోబర్ లిస్ట్ ఇదే.. – అక్టోబర్ 2025లో భారతదేశంలో అత్యధికంగా అమ్ముడవుతున్న టాప్ 10 కార్లు టాటా నెక్సాన్ ఇక్కడ అగ్రస్థానంలో నిలిచింది.

జీఎస్టీ రేట్ల కోటతో ప్రధానంగా.. చిన్న కార్లకు డిమాండ్ భారీగా పెరిగింది. ఇదే సమయంలో సబ్ కాంపాక్ట్ SUV విక్రయాలు కూడా ఊపందుకున్నాయి. ఇప్పుడు మనం అక్టోబరు నెలలో అత్యధికంగా అమ్ముడుబోయిన టాప్- 10 కార్లు ఏంటి.. ఎన్ని విక్రయాలు నమోదు చేసిందనే దాని గురించి చూద్దాం. ఈ లిస్టులో మారుతీ సుజుకీ 6 మోడల్స్ ఉండగా.. టాటా మోటార్స్ మాత్రం టాప్‌లో నిలిచింది. ఓవరాల్‌గా అంటే ఇప్పటివరకు మారుతీ ఆల్టో టాప్‌లో ఉంటుందని చెప్పొచ్చు.

2025 అక్టోబర్ నెలలో టాటా నెక్సాన్ ఏకంగా 22,083 యూనిట్లను విక్రయించి టాప్ ప్లేస్‌లో ఉంది. 2024 అక్టోబరులో ఈ సంఖ్య 14,759 ఉండగా.. వృద్ధి 50 శాతంగా ఉంది. మారుతీ సుజుకీ డిజైర్ 20,791 విక్రయాలతో రెండో స్థానంలో ఉంది. ఇది 64 శాతం వృద్ధి నమోదు చేసింది. మారుతీ సుజుకీ ఎర్టిగా 20,087 కార్లను విక్రయించి టాప్-3లో నిలిచింది. 18,970 కార్లను విక్రయించిన మారుతీ సుజుకీ వ్యాగన్ ఆర్ నాలుగో స్థానంలో ఉండగా.. హ్యుందాయ్ క్రెటా (క్రెటా N లైన్ + క్రెటా ev) 18,381 విక్రయాలతో ఐదో స్థానంలో నిలిచింది.
>> మహీంద్రా స్కార్పియో (స్కార్పియో క్లాసిక్ + స్కార్పియో N) 17,880 విక్రయాలతో ఆరో స్థానంలో నిలిచింది. మారుతీ సుజుకీ ఫ్రాంక్స్ (17,003), మారుతీ సుజుకీ బాలెనో (16,873), టాటా పంచ్ (ICE+EV- 16,810), మారుతీ సుజుకీ స్విఫ్ట్ (15,542) తర్వాత వరుసగా ఉన్నాయి. టాప్-10లో స్విఫ్ట్ విక్రయాలు మాత్రమే అంతకుముందు ఏడాది ఇదే సమయంతో చూస్తే.. 11 శాతం తగ్గాయి.