Technology

నింగిలోకి దూసుకెళ్లిన Chandrayaan 3: చంద్రుడి దక్షిణ ధృవంపై ల్యాండవనున్న రోవర్ | Chandrayaan 3 Launch LIVE News Updates in Telugu From Sriharikota

20 February, 2026
Post Views: 3


Andhra Pradesh

oi-Kannaiah

Time

తిరుపతి/శ్రీహరికోట: అంతరిక్ష రంగంలో మరో అరుదైన రికార్డు భారత్ పేరిట నమోదు అయ్యేందుకు కొన్ని గంటల సమయం మాత్రమే ఉంది. చంద్రయాన్ -3 ప్రయోగం కోసం ఇస్రో సర్వం సిద్ధం చేసింది. ఇప్పటికే కౌంట్‌డౌన్ ప్రారంభమైంది. అంతకుముందు చంద్రయాన్-3 పోలిఉన్న నమూనాకు ఇస్రో శాస్త్రవేత్తలు తిరుమలలో ప్రత్యేక పూజలు నిర్వహించారు.

ఇక శుక్రవారం రోజున మధ్యాహ్నం 2గంటల35 నిమిషాలకు LVM3 రాకెట్‌ నిప్పులు చిమ్ముతూ శ్రీహరికోట నుంచి నింగిలోకి దూసుకెళ్లనుంది . ఇప్పటికే అన్ని పరీక్షలు, సమీక్షలు నిర్వహించిన బోర్డు ప్రయోగానికి అంతా సిద్ధంగా ఉన్నట్లు ప్రకటించింది. ఇక చంద్రయాన్‌ మిషన్‌కు సంబంధించి మినిట్-టూ-మినిట్ లైవ్ అప్‌డేట్స్ మీకోసం.

Chandrayaan 3 Launch LIVE News Updates in Telugu From Sriharikota

చంద్రయాన్-3 విజయవంతం కావడం పట్ల హర్షం వ్యక్తం చేసిన కేంద్రమంత్రి జితేందర్ సింగ్.. ఇస్రో శాస్త్రవేత్తలను అభినందించారు. అమెరికన్లు భారత ప్రతిభను గుర్తించి.. ఇండియన్ ఆస్ట్రానాట్స్ ను స్పేస్‌లోకి పంపేందుకు ఆసక్తి చూపుతున్నారన్నారు.

చంద్రయాన్-3 భారత అంతరిక్ష చరిత్రలో సరికొత్త అధ్యయాన్ని లిఖించిందని ప్రధాని మోడీ వ్యాఖ్యానించారు.

అన్నీ సాఫీగా సాగితే ఆగస్టు 23న సాయంత్రం చంద్రుడిపై చంద్రయాన్-3 అడుగుపెడుతుందని ఇస్రో ఛైర్మన్ సోమనాథ్ తెలిపారు.

చంద్రయాన్-3 మిషన్ డైరెక్టర్ రీతూ కరిధల్ నివాసంలో కుటుంబసభ్యులు స్వీట్లు పంచుకుంటున్న దృశ్యం.

చంద్రయాన్-3 ప్రయోగం విజయవంతమైందని ఇస్రో ప్రకటింంచింది.

చంద్రయాన్-3 ప్రయోగం విజయవంతంగా కావడం పట్ల కేంద్ర హోంమంత్రి అమిత్ షా హర్షం వ్యక్తం చేశారు. ఇస్రో శాస్త్రవేత్తలకు అభినందనలు తెలిపారు.

చంద్రయాన్-3 ప్రయోగం తొలి దశ విజయవంతం కావడంతో ఇస్రో శాస్త్రవేత్తలకు రాష్ట్రపతి ద్రౌపది ముర్ము అభినందనలు తెలియజేశారు.

చంద్రయాన్-3 ప్రయోగాన్ని తిలకించిన వేలాది మంది విద్యార్థులు.

చంద్రయాన్-3 తొలి దశ విజయవంతం కావడంతో ఇస్రో శాస్త్రవేత్తలకు అభినందనలు తెలిపారు మాజీ ఇస్రో శాస్త్రవేత్త నంబి నారాయణన్.

చంద్రయాన్-3 ప్రయోగం తొలి దశ విజయవంతం కావడంతో ఇస్రో శాస్త్రవేత్తలకు అభినందనలు తెలియజేశారు ప్రధాని నరేంద్ర మోడీ.

చంద్రుడి దక్షిణ ధృవంలో ల్యాండ్ కానున్న చంద్రయాన్-3 రోవర్.

చంద్రయాన్-3 తొలి దశ విజయవంతం కావడంతో శాస్త్రవేత్తలకు ఇస్రో ఛైర్మన్ సోమనాథ్, కేంద్రమంత్రి జితేంద్ర సింగ్ అభినందనలు తెలిపారు.

చంద్రయాన్-3 ప్రయోగం విజయవంతం అనేది భారత్‌కు గేమ్ ఛేంజర్ లాంటిదన్నారు ఇస్రో మాజీ శాస్త్రవేత్త నంబి నారాయణన్.

ఆగస్టు 23 లేదా 24 తేదీల్లో చంద్రుడిపై చంద్రయాన్-3 అడుగుపెట్టనుంది.

చంద్రయాన్-3 తొలి దశ విజయవంతం కావడంతో శాస్త్రవేత్తలు ఆనందంలో మునిగిపోయారు.

విజయవంతంగా కక్ష్యలోకి చేరిన చంద్రయాన్-3.

చంద్రయాన్-3లో ల్యాండర్, రోవర్, ప్రొపల్షన్ మాడ్యూల్ ఉన్నాయి. ఈ మూడు సమన్వయంతో పనిచేస్తే ఇస్రో తాజా ప్రయోగం విజయవంతమైనట్లే.

చంద్రయాన్-3 ప్రయోగంలో మొత్తం మూడు దశలున్నాయి. 40 రోజులపాటు ప్రక్రియ కొనసాగనుంది.

చంద్రయాన్-3లో తొలి దశ విజయవంతమైంది.

శుక్రవారం మధ్యాహ్నం 2.35 గంటలకు చంద్రయాన్-3 నింగిలోకి దూసుకెళ్లింది.

చంద్రయాన్-3 ప్రయోగం జరుగుతున్న క్రమంలో కేంద్రమంత్రులు, రాజకీయ నేతలు, సినీ ప్రముఖులు ఇస్రో శాస్త్రవేత్తలకు శుభాకాంక్షలు తెలిపారు.

శుక్రవారం మధ్యాహ్నం 2.35 గంటలకు శ్రీహరికోట నుంచి చంద్రయాన్-3 ప్రయోగం ప్రారంభం కానుంది.

చంద్రుడి దక్షిణ ధృవంపై ఈ ప్రయోగం ద్వారా పరిశోధనలు చేయనున్నారు. నీటి జాడలను తెలసుకునే అవకాశం కూడా ఉంది.

మరికొద్ది నిమిషాల్లో చంద్రయాన్-3 గగనతంలోకి దూసుకెళ్లనుంది. దీంతో దేశ ప్రజల్లోనే గాక, ప్రపంచ వ్యాప్తంగా ఆసక్తి నెలకొంది.

చంద్రయాన్-3 ప్రయోగం మరికాసేపట్లో ప్రారంభం కానున్న క్రమంలో ప్రధాని నరేంద్ర మోడీ ఇస్రో శాస్త్రవేత్తలకు శుభాకాంక్షలు తెలిపారు.

శ్రీహరికోటలోని సతీష్ ధావన్ స్పేస్ సెంటర్‌లో చంద్రయాన్-3 ప్రయోగాన్ని చూసేందుకు 200లకుపైగా పాఠశాల విద్యార్థులు హాజరయ్యారు. ఈ సందర్భంగా సుభాషిణి అనే విద్యార్థిని మాట్లాడుతూ.. కల్పనా చావ్లాలా ఒక ఆస్ట్రానాట్ అవుతానని తెలిపింది. చంద్రయాన్-3 ప్రయోగం చూసేందుకు తాము ఎంతో ఆసక్తిగా ఉన్నామని విద్యార్థులతోపాటు ఉపాధ్యాయులు చెప్పారు. ఈ సందర్భంగా ప్రధాని మోడీ, ఇస్రోకి ధన్యవాదాలు తెలిపారు.

భారతదేశ అంతరిక్ష రంగానికి సంబంధించినంత వరకు 14 జూలై 2023 ఎల్లప్పుడూ సువర్ణ అక్షరాలతో చెక్కబడి ఉంటుంది. చంద్రయాన్-3 మూన్ మిషన్, దాని ప్రయాణాన్ని ప్రారంభించనుంది. ఈ అద్భుతమైన మిషన్ మన దేశం ఆశలు, కలలను తీసుకువెళుతుంది అని ప్రధాని మోడీ వ్యాఖ్యానించారు.

స్పేస్‌క్రాఫ్ట్ కోసం భూమి నుంచి చంద్రునికి ప్రయాణం దాదాపు ఒక నెల పడుతుందని అంచనా వేశారు. ఆగస్ట్ 23న ల్యాండింగ్ అవుతుందని అంచనా.

ఇక్కడ చంద్రయాన్-3 ప్రయోగం ప్రత్యక్ష ప్రాసరం ద్వారా చూడవచ్చు.

శ్రీహరికోటలోని SDSC-SHARలో కౌంట్‌డౌన్ పురోగతిలో ఉంది. L110 దశలో ప్రొపెల్లెంట్ ఫిల్లింగ్ పూర్తయింది. C25 దశలో ప్రొపెల్లెంట్ ఫిల్లింగ్ ప్రారంభమవుతుందని ఇస్రో వెల్లడించింది.

READ MORE





Source link

Spread the love