21 ఫిబ్రవరి కార్టూన్| సుంకాలు విధించే అధికారంపై అమెరికా సుప్రీం స్పష్టత
ట్రంప్ దూకుడుకు గట్టి చెక్ పడిందా?
భారత్ వాణిజ్య వ్యూహంపై ఊహాగానాలు
రష్యా చమురు కొనుగోళ్లపై వైట్ హౌస్ ప్రకటన
భారత్ స్పందనలో స్పష్టత ఎందుకు లేదు?
కార్టూన్లో ప్రతిబింబించిన గ్లోబల్ రాజకీయ పరిణామాలు
ఆంధ్రప్రభ కార్టూన్ ఫీచర్ ప్రత్యేకత
సుంకాల పేరుతో ప్రపంచ దేశాలను గుప్పిట్లో పెట్టుకోవాలనుకున్నా అమెరికా అధ్యక్షుడు డొనాల్డ్ ట్రంప్ ఆశలకు, అహంకారానికి భారీ దెబ్బ తగిలింది. సుంకాలు విధించే దేశాధ్యక్షుడికి లేదని ఆ దేశ సుప్రీం కోర్టు స్పష్టంగా, ఖచ్చితంగా తేల్చి చెప్పింది. ఇక మాటిమాటికీ తన మూడ్కు అనుగుణంగా సుంకాలతో ట్రంప్ ఏ దేశాన్నీ బెదిరించే పరిస్థితికి గట్టి చెక్ పడిందనే చెప్పాలి. సుంకాల విషయంలోనే కాక అన్నిట్లోనూ దురుసుగా, దూకుడుగా ప్రవర్తిస్తున్న ట్రంప్ వైఖరికి ఈ తీర్పు ఒక చెంపపెట్టు లాంటి గట్టి హెచ్చరికగా మారింది.
సుంకాల భారం తట్టుకోలేని పరిస్థితి ఏర్పడడంతో, ట్రంప్ అధికార కాలపరిమితి ముగిసే వరకు మౌనం వహించాలనే ఆలోచన కూడా భారత్లో వ్యక్తమైంది. ఆ దేశంతో వాణిజ్యం విషయంలో జాగ్రత్తగా, వ్యూహాత్మకంగా ముందుకు సాగాలనే భావన బలపడింది.
ఇంతలో భారత్ విధించిన సుంకాలను తగ్గిస్తున్నట్లు, ప్రతిగా భారత్ రష్యాతో చమురు కొనుగోళ్లు నిలిపివేస్తామని హామీ ఇచ్చింది. శ్వేతసౌధం స్వయంగా చెప్పుకోవడం చర్చనీయాంశమైంది. అయితే ఈ విషయంలో రష్యా తమకు భారత్ నుంచి ఎలాంటి అధికారిక సమాచారం అందలేదని వ్యాఖ్యానించడం పరిస్థితి మరింత ఆసక్తికరంగా, సందిగ్ధంగా మార్చింది. భారత్ కూడా స్పష్టత ఇవ్వకపోవడం వల్ల పరిస్థితి ఉత్కంఠభరితంగా మారింది.
అమెరికా, ట్రంప్ దూకుడును అమెరికా సుప్రీం కోర్టు వెనక నుంచి గట్టిగా అదుపులో పెట్టినట్టుగా చూపించిన ఈ కార్టూన్ ప్రస్తుత పరిస్థితి చక్కగా, సూటిగా, ఆలోచింపజేసే విధంగా ప్రతిబింబించింది.
ఆంధ్రప్రభ సీనియర్ కార్టూనిస్ట్ మాధవ్ అందించిన ఈ కార్టూన్ మరోసారి తన తీవ్ర వ్యంగ్యంతో, పదునైన సందేశంతో ఆకట్టుకుంటోంది. గత రెండు దశాబ్దాలుగా ఆంధ్రప్రభ పాఠకులను, కార్టూన్ అభిమానులను అలరిస్తూ, ఆలోచింపజేస్తూ ఆంధ్రప్రభ కార్టూన్ ఫీచర్ నిజంగానే వస్తున్నది అద్వితీయం.
— ఆంధ్రప్రభ వెబ్ డెస్క్