Iran politics news : ఇరాన్ సుప్రీం లీడర్ Ali Khamenei మరణం ప్రపంచ రాజకీయాల్లో భారీ సంచలనం రేపింది. అమెరికా–ఇజ్రాయెల్ సంయుక్త దాడుల్లో ఆయన మరణించినట్లు ఇరాన్ అధికారికంగా ప్రకటించారు.
ఇరాన్ మీడియా నివేదికల ప్రకారం, ఈ దాడిలో ఖమేనీతో పాటు ఆయన కుటుంబ సభ్యులు కూడా మృతి చెందినట్లు సమాచారం.
1939 ఏప్రిల్ 19న జన్మించిన పవిత్ర నగరం మషద్లో ఖమేనీ, సాధారణ మత గురువుల కుటుంబంలో పెరిగారు. చిన్ననాటి నుంచే మతపరమైన విద్యలో నిమగ్నమైన ఆయన, ఇస్లామిక్ విప్లవ నాయకుడు అయతుల్లా ఖొమేనీకి సమీప శిష్యుడిగా ఎదిగారు.
1960–70 దశకాలలో షా పాలనకు వ్యతిరేకంగా ప్రసంగాలు చేసినందుకు పలుమార్లు జైలుకు వెళ్లారు. 1979 ఇస్లామిక్ విప్లవంలో కీలక పాత్ర పోషించిన ఆయన, ఒక బాంబు దాడిలో కుడిచేయి దెబ్బతిని ఎడమ చేతితోనే ఎక్కువగా పనిచేయాల్సి వచ్చింది.
ఇది కూడా చదవండి: Bomb Explosion Kakinada : ఒక్కొక్కరికి రూ.20లక్షల చొప్పున పరిహారం – సీఎం చంద్రబాబు
అధ్యక్షుడిగా సుప్రీం లీడర్గా
1981–1989 మధ్య ఇరాన్ అధ్యక్షుడిగా పనిచేసిన ఖమేనీ, ఇరాన్–ఇరాక్ యుద్ధ సమయంలో దేశాన్ని నడిపించారు.
1989లో అయతుల్లా ఖొమేనీ మరణం తర్వాత ఆయన సుప్రీం లీడర్గా బాధ్యతలు చేపట్టారు. ఇరాన్ రాజ్యాంగం ప్రకారం అధ్యక్షుడికంటే సుప్రీం లీడర్కే అధిక అధికారాలు ఉంటాయి.
సైన్యం, ఇస్లామిక్ రివల్యూషనరీ గార్డ్స్ (IRGC) పై ఆయన పూర్తి ప్రభావం ఉండేది. అమెరికా, పశ్చిమ దేశాలకు వ్యతిరేకంగా కఠిన వైఖరితో, ఆంక్షల మధ్య కూడా అణువణువూ కొనసాగుతోంది.
మధ్యప్రాచ్యంలో ప్రభావం
లెబనాన్, సిరియా, యెమెన్ వంటి ప్రాంతాలలో మిత్ర బలగాలకు మద్దతు ఇస్తూ ఇరాన్ ప్రభావం పెరిగింది. దేశంలో కఠిన ఇస్లామిక్ చట్టాలను అమలు చేయడంలో వెనుకడుగు వేయలేదు.
అయితే ఆర్థిక ఆంక్షలు, ప్రజా నిరసనలు, హిజాబ్ వ్యతిరేక ఉద్యమాలు ఆయన పాలనకు పెద్ద సవాళ్లుగా మారాయి.
దాదాపు 35 సంవత్సరాలపాటు ఇరాన్ను ప్రభావితం చేసిన నాయకుడిగా నిలిచిన ఖమేనీ మరణం, దేశ భవిష్యత్తుపై అనిశ్చితిని పెంచింది. ఇప్పుడు ఇరాన్ నాయకత్వం ఎవరి చేతుల్లోకి వెళ్తుందనే ప్రశ్న ప్రపంచవ్యాప్తంగా ఉత్కంఠ కలిగి ఉంది.
హిందీ వార్తలు చదవండి: hindi.vaartha.com
పేపర్: epaper.vaartha.com
ఇది కూడా చదవండి: