విజయ్ను ఎదుర్కొనేందుకు వ్యూహరచన
గట్టి అభ్యర్థుల ఎంపికకు కసరత్తు
తమిళనాడులో ఎన్నికల వేళ పలు కీలక అంశాలు డీఎంకేకు సవాళ్లు విసురుతున్నాయి. వాటినే అస్త్రాలుగా మార్చుకున్న ఎన్డీయే కూటమి పార్టీలు, విజయ్ పార్టీ క్షేత్ర స్థాయిలో విస్తృతంగా ప్రచారం చేస్తున్నాయి. ఈ సవాళ్లకుగా డీఎంకే పకడ్బందీ వ్యూహాల్ని రచించే పనిలో ఉంది.
అత్యాచారాల అంశం..
రాష్ట్రంలో మహిళలు, యువతులు సురక్షితంగా లేరంటూ విపక్షాలు విమర్శలు గుప్పిస్తున్నాయి. 2020తో పోల్చితే 2024 నాటికి మహిళలపై నేరాలు సుమారు 60 శాతం పెరిగాయని అంటున్నాయి. పోక్సో కేసులు 126 శాతం, వేధింపులు 19 శాతం అధికమయ్యాయని చెబుతున్నారు. గత ఐదేళ్లలో ఏటా 400కుపైగా అత్యాచారాలు నమోదవుతూ వస్తున్నాయని వివరిస్తున్నాయి. ఈ మధ్యే కోయంబత్తూరులో ప్రియుడి ముందే యువతి గ్యాంగ్ రేప్, దీనినిబట్టి పరిస్థితి ఎలా ఉందో అర్థం చేసుకోవచ్చని విమర్శిస్తున్నాయి.
రాష్ట్రంలో శాంతి భద్రతల సమస్యలు చాలా ఉన్నాయి అన్నాడీఎంకే ఆరోపణలు. 75 రోజుల్లో 246 హత్యలు జరగడమే ఇందుకు కారణమని తాజాగా తెలిసింది.
అవినీతిపై ఆరోపణలు
డీఎంకే ఐదేళ్ల పాలనలో ఏకంగా రూ.4 లక్షల కోట్ల అవినీతి జరిగినట్లు ఎన్డీయే కూటమి పెద్ద ఎత్తున ఆరోపణలు చేస్తోంది. పురపాలికలు, గ్రామీణాభివృద్ధి, విద్యుత్తు కాంట్రాక్టుల్లో భారీ అవినీతి జరిగినట్లు గతంలోనే అవి గవర్నర్కు ఫిర్యాదు చేశాయి. మద్యం అమ్మకాల్లో ఒక్కో సీసాపై రూ.10 అక్రమంగా వసూలు చేసి ఏటా రూ.5,400 కోట్ల అవినీతికి పాల్పడినట్లు ఆరోపిస్తున్నారు. డీఎంకే మంత్రులుగా చేసిన వి.సెంథిల్ బాలాజీ, కేఎన్ నెహ్రూ వంటివారు అవినీతి ఆరోపణలతో ఈడీ విచారణ ఎదుర్కొంటున్నారని చెబుతున్నారు. ఇసుక మైనింగ్, ప్రభుత్వ ఉద్యోగాల పేరుతో రూ.వేల కోట్లు వెనుకేసుకున్నట్లు ఆరోపిస్తున్నాయి. తమిళనాడును తమ అవినీతికి ఏటీఎంగా డీఎంకే వాడుకుంటోందని ప్రధాని మోదీ సైతం.
విజయ్ రాకతో అప్రమత్తం
తమిళగ వెట్రి కళగంతో (టీవీకే) దూసుకెళుతున్న విజయ్.. మహిళలు, యువత ఓట్లను ఆకర్షించేందుకు ప్రయత్నించారు. ఈ దాడి ఎదుర్కొనేందుకు డీఎంకే తీవ్ర కసరత్తు చేస్తోంది. టీవీకే కారణంగా తమ ఓట్ల శాతం తగ్గొచ్చనే రాజకీయ విశ్లేషకుల మాటల్ని డీఎంకే కొట్టిపారేసినా ఈ నష్టాన్ని ఎలా నివారించాలంటే దానిపై పెద్ద ఎత్తున చర్చలు జరుగుతున్నాయి. విజయ్ కూడా అవినీతి, కుటుంబ పాలన, మహిళలపై నేరాలను లేవనెత్తుతూ డీఎంకేను ఇరకాటంలో పెట్టే ప్రయత్నం చేస్తున్నారు.
డ్రగ్స్ పైనా..
గంజాయి, ఇతర మత్తు పదార్థాలు డీఎంకే హయాంలో విచ్చలవిడిగా పెరిగాయని ప్రత్యర్థి పార్టీలు ఆరోపిస్తున్నాయి. 2023, 2024 మధ్య వాటి ఉద్ధృతి 255.8 శాతం పెరిగింది.
సీట్ల పంపకాల్లో..
ప్రతిపక్షాలు ఎత్తిచూపే ఆరోపణల్ని గట్టిగా తిప్పికొట్టే వ్యూహ రచనలో డీఎంకే కూటమి తలమునకలైంది. ఈ నెల 30 నాటికి సీట్ల పంపకాలను పూర్తి చేసి ఆ తర్వాత రంగంలోకి దిగాలని చూస్తోంది. ఏప్రిల్ 6 వరకు నామినేషన్లకు గడువు. ప్రచారంలో సంక్షేమం, అభివృద్ధినే నమ్ముకోవాలని చూస్తోంది. మరో నియోజకవర్గాల్లో సీట్ల పంపకాల తర్వాత కూటమిలోని ప్రతి పార్టీ నుంచి బలమైన వ్యక్తినే పోటీలో పెట్టాలని చూస్తోంది. 2021లో డీఎంకే 133 సీట్లలో గెలిచింది. మొత్తంగా 159 స్థానాల్లో కూటమిని దక్కించుకుంది. ఈసారి 200 స్థానాలను డీఎంకే లక్ష్యంగా పెట్టుకుంది. పొత్తులో భాగంగా ప్రస్తుతం కాంగ్రెస్కు 28, సీపీఐకి 5, ఎండీఎంకేకు 4, ఎంఎంకే, కేఎండీకే, ఐయూఎంఎల్ పార్టీలకు తలా 2 సీట్లను కేటాయించారు. సీపీఎం, వీసీకే అదనపు సీట్లకు డిమాండు చేస్తున్నారు. సీట్ల సర్దుబాటులో మనస్పర్థలు రావడంతో కూటమి నుంచి తమిళగ వాళ్వురిమై కట్చి వైదొలుగుతున్నట్లు ప్రకటించారు. మరో 14 పార్టీలకు సీట్ల కేటాయింపు జరగాల్సి ఉంది. విడతల వారీగా అందరితో చర్చిస్తూ సామరస్యంగా ముందుకెళ్లేలా డీఎంకే ప్రయత్నిస్తోంది. ఆరోపణలతో ప్రతిపక్షాలు ఇరకాటంలో పెట్టిన ఐక్యంగా బరిలోకి దిగి గెలవాలనే కోణంలో ఈ కూటమి వ్యూహ రచన చేస్తోంది.
ఈనాడు, చెన్నై