ఆంధ్రప్రదేశ్ రాష్ట్ర సచివాలయంలో ముఖ్యమంత్రి నారా చంద్రబాబు నాయుడు అధ్యక్షతన రాష్ట్ర మంత్రివర్గ (కేబినెట్) సమావేశం ప్రస్తుతం కొనసాగుతోంది. ఈ కీలక భేటీలో రాష్ట్ర అభివృద్ధి, సంక్షేమ పథకాల అమలు, పరిపాలనాపరమైన అంశాలపై మంత్రులతో సీఎం విస్తృతంగా చర్చిస్తున్నారు. ముఖ్యంగా, కూటమి ప్రభుత్వం ప్రతిష్టాత్మకంగా భావిస్తున్న ‘సూపర్ సిక్స్’ హామీల అమలు తీరు, రాష్ట్ర ఆర్థిక పరిస్థితులు, నూతన పారిశ్రామిక పెట్టుబడుల ఆకర్షణ, పోలవరం ప్రాజెక్టు పనుల పురోగతి, అలాగే అమరావతి రాజధాని నిర్మాణ పనుల వేగవంతం వంటి కీలక అంశాలు ఈ సమావేశపు అజెండాలో ఉన్నట్లు సమాచారం. ఉప ముఖ్యమంత్రి పవన్ కళ్యాణ్తో పాటు పలువురు మంత్రులు, ఉన్నతాధికారులు ఈ సమావేశంలో పాల్గొని తమ శాఖల వారీగా నివేదికలను ముఖ్యమంత్రికి అందజేస్తున్నారు. ప్రజా సంక్షేమమే ధ్యేయంగా, మేనిఫెస్టోలోని హామీలను మరింత వేగంగా ప్రజలకు చేరువ చేసే దిశగా ఈ కేబినెట్ భేటీలో పలు కీలక నిర్ణయాలకు ఆమోదముద్ర పడే అవకాశం ఉంది.
ఇవాళ ఏమున్నాయి?
ఇరాన్ యుద్ధానికి 26 రోజులు పూర్తి అయ్యాయి. యుద్ధాన్ని ఇరాన్ కొనసాగిస్తోంది. అమెరికా మాత్రం తాత్కాలిక బ్రేక్ ఇచ్చింది. ఇవాళ ఏపీలో కీలకమైన క్యాబినెట్ సమావేశం జరుగుతుంది. నేడు జూనియర్ ఎన్టీఆర్ వైఫ్ బర్త్ డే ఉండటంతో.. గ్రాండ్ సెలబ్రేషన్స్ ప్లాన్ చేస్తున్నారు. రేపు శ్రీరామ నవమి పండుగ ఉండటంతో.. అందుకు తెలుగు రాష్ట్రాల్లో ఏర్పాట్లు జరుగుతున్నాయి. భద్రాచలంలో రాములోరి కల్యాణం రేపే జరగనుంది. ఇలా ఏవి జరిగితే వాటినీ, రోజువారీ అప్డేట్స్ అన్నీ ఇక్కడ మనం తెలుసుకుందాం. ఏపీలో ఏం జరుగుతుంది? తెలంగాణ పరిస్థితేంటి? ఇండియా, ఇంటర్నేషనల్గా ఏం జరుగుతోందో ఎప్పటికప్పుడు తెలుసుకుందాం. న్యూస్ బ్రేకింగ్స్, అప్డేట్స్ అన్నీ ఇక్కడ మనం.. మినిట్ టు మినిట్ చూద్దాం.