ఎయిర్ ఇండియా: మీరు ఈ దీపావళికి ఏదైనా టూర్ ప్లాన్ చేస్తున్నారా? లేదా ఈ శీతాకాలం నుంచి వచ్చే వేసవి వరకు ఎప్పుడైనా ఏదైనా ప్రదేశాన్ని సందర్శించాలనుకుంటున్నారా? అయితే మీరు బస్ టికెట్ ధరతోనే విమానంలో ప్రయాణించవచ్చు. ఎయిర్ ఇండియా బంపర్ ఆఫర్ తెచ్చింది. కేవలం రూ.1499కే విమాన ప్రయాణం కల్పిస్తోంది. ఈ అక్టోబర్ 14, 2025లోపు టికెట్లు బుక్ చేసుకుని ఎప్పుడైనా ప్రయాణం చేయవచ్చు. మరి ఈ స్పెషల్ ఆఫర్ గురించి పూర్తి వివరాలు తెలుసుకుందాం.
టికెట్ బుకింగ్ వివరాలివే..
ఎయిరిండియా స్పెషల్ ఫేర్స్ ఎకనామి క్లాస్ ధర రూ.1499 నుంచి ప్రారంభమవుతోంది. ఎక్కడైనా ప్రయాణం చేయవచ్చు. ఇక ప్రీమియం ఏకనామి క్లాస్ అయితే రూ.2249 నుంచి టికెట్ ధరలు మొదలవుతున్నాయి. ఇక బిజినెస్ క్లాస్ అయితే రూ.9999 నుంచి టికెట్ ధరలు ఉన్నాయి. ఈ స్పెషల్ సెల్ అక్టోబర్ 12వ తేదీన మొదలైంది. అక్టోబర్ 14, 2025 అర్ధరాత్రి వరకు ఉంటుంది. అంటే మంగళవారం అర్ధరాత్రి వరకు టికెట్లు బుకింగ్ చేసుకోవచ్చు. దీని ద్వారా 2026, మార్చి 31వ తేదీ వరకు ఎప్పుడైనా ప్రయాణం చేయవలసింది ఎయిరిండియా ప్రదర్శన. అంటే వచ్చే వేసవి వరకు మీరు ఏదైనా ప్రదేశాన్ని సందర్శించేందుకు చాలా తక్కువ ధరకే టికెట్లు బుక్ చేసుకోవచ్చు. అలాగే విమాన టిక్కెట్లపై ఒక్కో ప్రయాణికుడు డిస్కౌంట్ రూ.400 వరకు పొందవచ్చు. ఎయిరిండియా వెబ్సైట్ లేదా యాప్ ద్వారా టికెట్లు బుకింగ్ చేసుకుంటూ ప్రోమో కోడ్ FLYAI ఉపయోగిస్తే ఈ డిస్కౌంట్ లభిస్తుంది. అలాగే హెచ్డీఎఫ్సీ బ్యాంక్ క్రెడిట్ కార్డ్ (HDFC క్రెడిట్ కార్డ్) ప్రోమో కోడ్ HDFCFLY ఉపయోగించి రూ.400 ఇన్స్టాంట్ డిస్కౌంట్ పొందవచ్చు. ఇక మహారాజా క్లబ్ సభ్యులు అయితే జీకో కన్వీనియెన్స్ ఫీ పొందవచ్చు.
ఈ స్పెషల్ టైం పీరియడ్ ఆఫర్ అనేది అక్టోబర్ 14వ తేదీ 23.59 గంటల వరకు అందుబాటులో ఉంటుంది. మార్చి 31, 2026 వరకు ప్రయాణం చేయవచ్చు. అయితే, ఇందులో కొన్ని తేదీల్లో ఆఫర్ వర్తించదు. అవి 2025 డిసెంబర్ 11 నుంచి 2026 జనవరి 11 వరకు, 2026 జనవరి 24 నుంచి జనవరి 27 వరకు, 2026 మార్చి 2 నుంచి మార్చి 6 వరకు ఆఫర్ ఉండదని గమనించాలి. ఎకనామీ, ప్రీమియం ఎకనామీ క్లాస్లో కనిష్ఠ టికెట్ ధరలు జమ్మూ-లేహ్ మధ్య లబిస్తున్నాయి. ఇక బిజినెస్ క్లాస్ తక్కువ ధరలు ముంబై- వడోదర మధ్య అందుబాటులో ఉంటాయి. ఇక ఈ ఆఫర్లో పరిమిత సంఖ్యలో సీట్లు ఉంటాయి. ముందుగా బుక్ చేసుకునే వారికి ప్రాధాన్యత ఉంటుంది. కేవలం ఎయిరిండియా విమానాల్లోనే ఈ ఆఫర్ వర్తిస్తుంది. పూర్తి వివరాలకు ఎయిరిండియా అధికారిక వెబ్సైట్లోనే డొమెస్టిక్ ఫ్లైట్ ఆఫర్ తెలుసుకోవచ్చు.
రచయిత గురించిబండ తిరుపతిబండ తిరుపతి సమయం తెలుగులో డిజిటల్ కంటెంట్ ప్రొడ్యూసర్గా పనిచేస్తున్నారు. ఆయన బిజినెస్ రంగానికి సంబంధించిన తాజా వార్తలు, ఫ్యాక్ట్ చెక్ ఆర్టికల్స్, ప్రభుత్వ పథకాలు, పర్సనల్ ఫైనాన్స్, ఇన్వెస్ట్మెంట్స్, మ్యూచువల్ ఫండ్స్, స్టాక్లు, బంగారం వెండి ధరలపై అప్డేట్లు అందిస్తారు. ఆయనకు జర్నలిజంలో 7 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో బిజినెస్, నేషనల్, స్పోర్ట్స్, సినిమా న్యూస్ రాశారు. లోక్సభ ఎన్నికల కోసం జర్నలిస్టుగా పని చేసిన అనుభవం ఆయనకు ఉంది. పోస్ట్ గ్రాడ్యుయేషన్ పూర్తిచేసిన తిరుపతి.. ప్రముఖ జర్నలిజం స్కూల్ ఈజేఎస్లో మల్టీమీడియా జర్నలిజం కోర్స్ పూర్తి చేశారు. ఉత్తమ పనితీరు కనబర్చినందుకు గానూ 2025, ఫిబ్రవరిలో బండ తిరుపతి టైమ్స్ ఇంటర్నెట్ నుంచి ఓవర్ అచీవర్ ఆఫ్ ది మంత్ అవార్డ్ అందుకున్నారు.… ఇంకా చదవండి