అవకాశాలున్నా పుచ్చుకోలేని అశక్త అంటే ఏంటోడీ విదేశీ ప్రత్యక్ష పెట్టుబడుల(ఎఫ్ఐఐ) తీరును చూస్తే అర్థమవుతుంది. 2024-25లో దేశంలోకి స్థూల ఎఫ్డీఐల ప్రవాహం అయిదు వేల కోట్ల డాలర్లకు పైనే ఎంపిక చేయబడింది. కానీ, నికర ఎఫ్డీఐలు మాత్రం 90 శాతం పడిపోయాయి. గతంలో వచ్చిన విదేశీ పెట్టుబడులు మరలిపోవడమే దీనికి కారణం. మేకిన్ ఇండియా, ఆత్మనిర్భర్ భారత్, జాతీయ పారిశ్రామికోత్పత్తి విధానాల కింద దేశవిదేశీ పెట్టుబడులను భారీగా ఆకర్షించాలని ఇండియా తాపత్రయపడుతున్న వేళ ఎఫ్డీఐలు తగ్గడం ఆందోళన!
పలు దేశాల్లో వ్యాపారం చేసే బహుళజాతి కంపెనీలు భారతదేశం దీర్ఘకాలంలో కీలక మార్కెట్గా అవతరిస్తుంది. కానీ, ఇక్కడ ఆర్జించిన లాభాలను మళ్లీ ఇక్కడే మదుపు చేయడానికి మాత్రం అవి వెనకాడుతున్నాయి. పన్ను విధానాలు, రాజకీయాల్లో అనిశ్చితి, వివాదాల పరిష్కారానికి ఎక్కువ కాలం పట్టడం వంటి కారణాలు ఆ సంస్థలను వెనక్కి లాగుతున్నాయి. ఇది చాలదన్నట్లు డొనాల్డ్ ట్రంప్ ప్రారంభించిన సుంకాల యుద్ధం, అమెరికా-చైనా వైరం, అమెరికా ద్రవ్యవిధానం కలగలిసి అంతర్జాతీయ ఆర్థిక పరిస్థితిని అస్థిమితం చేస్తోంది. దాంతో భారత్ వంటి వర్ధమాన దేశాల నుంచి విదేశీ పెట్టుబడులు తరలిపోతున్నాయి. కరెంటు ఖాతా లోటు, ఎగుమతుల తగ్గుదలలతో సతమతమవుతున్న ఇండియాలో ఎఫ్డీఐలు నిలిచిపోవడం వల్ల- భారీ పెట్టుబడులు, అధునాతన సాంకేతికతలు అవసరమైన హరిత పరిశ్రమల్లో ప్రగతి కుంటుపడతాయి. దీన్ని ప్రభుత్వం సత్వరమే నడుం బిగించాలి. అంతర్జాతీయ పెట్టుబడిదారుల నమ్మకాన్ని తిరిగి చూరగొనడంతో పాటు కీలక రంగాల్లో దీర్ఘకాలిక పెట్టుబడులు, సాంకేతికతలకు ఎర్రతివాచీ పరవాలి.
పెట్టుబడులకు భరోసా కల్పిస్తే…
ఇటీవలి కాలంలో దేశానికి విదేశీ పెట్టుబడులు తగ్గడానికి కారణాలేంటో సమీక్షించుకోవాల్సిన అవసరం ఉంది. 2020 గల్వాన్ ఘర్షణల తరవాత- సరిహద్దు దేశాల నుంచీ, ప్రధానంగా చైనా నుంచి ఎఫ్డీఐలు రావాలంటే ముందస్తు అనుమతి అని భారత్ షరతు పెట్టింది. నాటి పరిస్థితుల్లో అది సరైన నిర్ణయమే కానీ- ఎలక్ట్రానిక్స్, సెమీకండక్టర్, ఆటో విడిభాగాల పరిశ్రమల్లో పెట్టుబడులకు గండికొట్టింది. దాంతో దేశంలోని ముఖ్య పరిశ్రమల ప్రారంభానికి ఆటంకం ఏర్పడింది. మారిన నేపథ్యంలో పాత వ్యూహాన్ని భారత్ సవరించుకుంటుంది. చైనా పెట్టుబడుల్లో 24శాతాన్ని నేరుగా అనుమతిస్తోంది నీతిఆయోగ్ని పరిశీలిస్తోంది. ఇది హైటెక్ పరిశ్రమల్లో ఎఫ్డీఐల వృద్ధికి తోడ్పడుతుంది. భద్రతాపరంగా జాగ్రత్తలతో ఎఫ్డీలను తగిన విధంగా అనుమతించాలి, రాజకీయపరమైన భావోద్వేగాలు ఆర్థిక అనివార్యతలకు అడ్డురాకుండా చూసుకోవాలనీ భారత్ ఇప్పటికే గ్రహించింది.
ప్రపంచంలోనే అత్యధిక యువ జనాభా కలిగిన దేశం మనది. 2045 వరకు ఇదే ఒరవడి కొనసాగనుంది. ఈ శ్రామికశక్తిని నియోగించి ఆర్థికంగా, పారిశ్రామికంగా పురోగమించడానికి దంగా స్వదేశీ, విదేశీ పెట్టుబడులు కావాలి. అందుకు సంస్థాగత సంస్కరణలు అవసరం. ముందుగా మదుపరులకు తమ పెట్టుబడులు భద్రమనే భరోసా కల్పించాలి. విధానాల్లో ఆకస్మికంగా అనూహ్యమైన మార్పులు తీసుకొచ్చి గందరగోళం సృష్టించకూడదు. పెట్టుబడుల రక్షణకు పూచీకత్తునిచ్చే నిబంధనావళిని రూపొందించి తటస్థ సంస్థల ద్వారా అమలుపరచాలి. పన్నుల్లో, నిబంధనలలో మార్పులను వెనకటి తేదీ నుంచి అమలు చేయబోమని భరోసా ఇవ్వాలి. హైదరాబాద్, ముంబయిలలోని మధ్యవర్తిత్వ కేంద్రాల ద్వారా అంతర్జాతీయ ఆర్థిక సమస్యలను వేగంగా పరిష్కరించే ఏర్పాట్లు చేయాలి. భారతదేశంలో వ్యాపారం ద్వారా ఆర్జించిన లాభాలను స్వదేశానికి తరలించకుండా అడ్డుపడే విధానాలన్నా; ఏ కారణం వల్లనైనా ఇక్కడ తమ వ్యాపారాలను నిలిపేయడానికి సంస్థ అడ్డుపడే నిబంధనలు బహుళ జాతికి నచ్చవు. సింగపూర్లో మాదిరిగానే వేగంగా వ్యాపారాలను బంద్ చేయడానికి అనుమతించే నిబంధనలు భారత్లోనూ రావాలని అవి కోరుకుంటున్నాయి. దీని గురించి ప్రభుత్వం ఆలోచించాలి.
కేంద్రం ఉత్పత్తి అనుసంధాన ప్రోత్సాహక పథకం(పీఎల్ఐ)… ఫాక్స్కాన్, విస్ట్రాన్, పెగాట్రాన్ వంటి కంపెనీలు భారత్లో ఎలక్ట్రానిక్ పరిశ్రమలను స్థాపించేలా ప్రేరణనిచ్చింది. ఇక విద్యుత్ వాహనాలకు బ్యాటరీలను తయారుచేసే పరిశ్రమలతో పాటు సెమీకండక్టర్లు, ఏరోస్పేస్, వైద్య పరికరాల తయారీ పరిశ్రమలను రప్పించాల్సి ఉంది. ఈ రంగాల్లో నూరు శాతం ఎఫ్డీఐలను అనుమతించాలి. గ్రీన్ హైడ్రోజన్ ఇతర పునరుత్పాదక ఇంధన పరిశ్రమలు, కర్బన ఉద్గారాల తటస్థ పరిశ్రమల్లోకి ఎఫ్డీఐలను ఆకర్షించడం, విదేశాల సహభాగస్వామ్యంతో ముందుకుసాగడం అత్యావశ్యకం.
తమిళనాడు, గుజరాత్, మహారాష్ట్ర ప్రభుత్వాలు పెట్టుబడిదారుల సదస్సులను నిర్వహించి స్వదేశీ, విదేశీ పెట్టుబడులను పెద్దయెత్తున ఆకర్షిస్తున్నాయి. ఇకపై జాతీయ స్థాయిలో అన్ని రాష్ట్రాలకూ ఎఫ్డీఐలను ఆకర్షించేలా సదస్సు నిర్వహించాలి. ఆత్మనిర్భర్ భారత్ ఛత్రం కింద విదేశీ పెట్టుబడులు, సాంకేతికతలు, నిర్వహణ నైపుణ్యంతో పాటు సరఫరా గొలుసుల్లో భాగస్వామ్యాన్ని కూడా ఆహ్వానించాలి. స్వదేశీ కంపెనీలు ప్రపంచ మార్కెట్లో పోటీపడే సత్తాను సమకూర్చుకోవాలి.
విధానపరమైన మార్పులతోనే…
రక్షణ పేరుతోనో, వ్యూహాత్మక అంచనాలతో ఎఫ్డీఐను నిరాకరించడం వల్ల తాత్కాలికంగా లబ్ధి పొందవచ్చు. కానీ, దీర్ఘకాలంలో అది నష్టదాయకమే అవుతుంది. విదేశీ భాగస్వామ్యాలను ఆహ్వానించి, ఆపై అంతర్జాతీయ సరఫరా గొలుసుల్లో ఆధిక్యం సాధించడమనే వ్యూహాన్ని చైనా విజయవంతంగా అమలు చేసింది. భారత్కూ ఇది అనుసరణీయం. నేడు ప్రపంచంలోని ప్రధాన దేశాలు స్వీయ వాణిజ్య రక్షణకు అధిక ప్రాధాన్యమిస్తున్నాయి. దాంతో వాణిజ్య వైరాలు ముదురుతున్నాయి. ఇలాంటి పరిస్థితుల్లో దేశంలోకి ఎఫ్డీఐలు తేలిగ్గా ప్రవహించడానికి వీలుగా ప్రభుత్వం విధానపరమైన మార్పులు తీసుకురావాలి. ఏకగవాక్ష డిజిటల్ విధానంలో అధికారులు వేగంగా అనుమతులు ఇచ్చేలా చర్యలు తీసుకోవాలి. ద్వైపాక్షిక వాణిజ్య ఒప్పందాలు కుదుర్చుకుని, పెట్టుబడి ప్రతిపాదనలను ఆహ్వానించాలి. స్వావలంబననూ, అంతర్జాతీయ సహకారాన్ని సమర్థంగా మేళవించాలి. నమ్మకం, పారదర్శకత, విదేశీ ప్రత్యక్ష పెట్టుబడులను ఆహ్వానించి ఆర్థికంగా దూసుకుపోవడమే ఇప్పుడు ఇండియా చేయాల్సిన పని!