ఒకప్పుడు రైతులు పంట పెట్టుబడి కోసం అధిక వడ్డీలకు అప్పులు తెచ్చి నష్టపోయేవారు.. దీని నివారణకు గత ప్రభుత్వం రైతు బంధు పథకం కింద ఎకరానికి రూ.10 వేలు ఇచ్చింది. తెలంగాణలో కాంగ్రెస్ ప్రభుత్వం ఆ పథకాన్ని కొనసాగిస్తూ.. ఎకరానికి రూ.12 వేలు ఇస్తోంది. అయితే.. వేసంగి సీజన్కు సంబంధించి నిధుల విడుదలలో ఆలస్యం జరిగింది. సాగులో ఉన్న భూములకు మాత్రమే రైతు భరోసా ఇవ్వాలనే ఉద్దేశ్యంతో ప్రభుత్వం శాటిలైట్ సర్వే నిర్వహిస్తోంది. దాదాపు 10 శాతం భూముల్లో పంటలు సాగు చేయడం లేదని తేలడంతో.. ఈసారి రైతు భరోసా పొందే రైతుల సంఖ్య తగ్గనుంది. ఫిబ్రవరి చివరి వారంలో నిధులు విడుదల చేయనున్నారు.
గతంలో ఇచ్చిన రూ.10 వేలు కాకుండా ఎకరాకు రూ.12 వేలు ఇస్తున్నారు. ఎన్నికల ప్రచారంలో ఇచ్చిన హామీ మేరకు ఈ పథకం యొక్క ఆర్థిక సాయం పెంచారు. ఇప్పటికే పలు విడతల్లో రైతు భరోసా నిధులు కూడా జమ అయ్యాయి. అయితే తాజాగా వేసంగి సీజన్కు సంబంధించి రైతు భరోసా నిధుల కోసం రైతులు ఎదురు చూస్తున్నారు. కొన్ని కారణాల వల్ల ఈ దఫా నిధుల జమ ఆలస్యం అయింది. సంక్రాంతికి ముందే ఈ డబ్బులు జమ కావాల్సి ఉండగా అర్హులైన లబ్ధిదారులకు మాత్రమే రైతు భరోసా అందాలనే ఉద్దేశంతో ప్రభుత్వం ఓ ప్రణాళికను రూపొందించింది.
సాగులో ఉన్న భూములకు మాత్రమే రైతు భరోసా ఇవ్వనున్నట్లు తెలుస్తోంది. దీనికి సర్కార్ సాగు భూములు ఎన్ని ఎకరాలు, సాగులో లేని భూములు ఎన్ని ఎకరాలు అనే వాటికి సంబంధించి సర్వే మొదలు పెట్టింది. దీనిని వ్యవసాయ వర్సిటీతో ప్రభుత్వం శాటిలైట్ సర్వే గత కొద్ది నెలలుగా చేయిస్తోంది. దాదాపు 10 వేల రెవెన్యూ గ్రామాల్లో మ్యాపుల ఆధారంగా సాగు పంటల వివరాలను జయశంకర్ అగ్రికల్చర్ యూనివర్సిటీ నమోదు చేసింది. ఫిబ్రవరి 6వ తేదీన దీనికి సంబంధించిన నివేదికను ప్రభుత్వానికి అందించనుంది. అయితే ఈ సర్వేలో దాదాపు 10 శాతం వరకు సాగు భూముల్లో పంటలు వేయలేదని తేలింది. ఆ రైతులకు వేసంగి రైతు భరోసా నిధుల జమను నిలిపివేయాలని ప్రభుత్వం నిర్ణయించినట్లు తెలుస్తోంది.
ప్రస్తుతం పంట సాగు చేస్తున్న భూములకు మాత్రమే రైతు భరోసా నిధులు రైతుల అకౌంట్లో జమ చేయనున్నట్లు సమాచారం. సర్వే వివరాల మేరకు ఫిబ్రవరి చివరి వారంలో రైతు భరోసా నిధులను జమ చేయనున్నట్లు తెలుస్తోంది. వానాకాలం సీజన్లో దాదాపు 69 లక్షల మంది రైతులకు రైతు భరోసా అందించగా ఈసారి ఈ సంఖ్య చాలా వరకు తగ్గనుంది. శాటిలైట్ సర్వే ఆధారంగా సాగు చేయని రైతుల వివరాలను సేకరించి ప్రభుత్వం వీరికి రైతు భరోసా నిధులను నిలిపివేయనుంది.
రచయిత గురించిబూరుగడ్డ వీరబాబుబూరుగడ్డ వీరబాబు సమయం తెలుగులో కాపీ ఎడిటర్గా పని చేస్తున్నారు. ఆయన తెలంగాణకు సంబంధించిన తాజా వార్తలు, ప్రభుత్వ పథకాల సమాచారం, ఇన్ఫ్రా న్యూస్, పొలిటికల్ న్యూస్తోపాటు ప్రత్యేక కథనాలు అందిస్తుంటారు. ఆయనకు జర్నలిజంలో 6 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాష్ట్ర వార్తలు, పొలిటికల్ న్యూస్ రాశారు. బీఆర్ అంబేద్కర్ ఓపెన్ యూనివర్సిటీ నుంచి వీరబాబు జర్నలిజంలో పీజీ చేస్తున్నారు.… ఇంకా చదవండి