యునైటెడ్ స్టేట్స్ ఆఫ్ అమెరికా U19 vs ఇండియా U19: క్రికెట్ ప్రపంచంలో ఇప్పుడు ఒక ఆసక్తికరమైన చర్చ నడుస్తోంది. ఐసీసీ అండర్-19 పురుషుల క్రికెట్ వరల్డ్ కప్ 2026 వేదికగా ఒక అరుదైన, చారిత్రాత్మక ఘట్టం జరిగింది. జింబాబ్వేలోని బులవాయోలో జరిగిన తొలి మ్యాచ్లో భారత్, అమెరికా జట్లు తలపడ్డాయి. అయితే, మైదానంలోకి దిగిన అమెరికా జట్టును చూసి ప్రపంచమంతా ఆశ్చర్యపోయింది. ఎందుకంటే, ఆ జట్టులోని 11 మందిని కూడా భారత సంతతికి చెందినవారే కావడమే దీనికి కారణం.
అమెరికా జట్టు.. అంతా ‘భారతీయమే’!
సాధారణంగా ఇతర దేశాల జట్లలో ఒకరిద్దరు భారత సంతతి ఉండుట వలన మనం చూస్తుంటాం. కానీ, ఒక అంతర్జాతీయ టోర్నమెంట్లో ప్రత్యర్థి జట్టులోని మొత్తం 11 మంది భారతీయ మూలాలు ఉన్నవారు ఇదే మొదటిసారి. కేవలం ప్లేయింగ్ ఎలెవనే కాదు, అమెరికా ఎంపిక చేసిన 15 మంది సభ్యుల స్క్వాడ్ మొత్తం భారత సంతతికి చెందిన యువకులతోనే నిండిపోయింది.
ప్లేయింగ్ ఎలెవన్లో ఉన్నది వీరే: భారత్తో జరిగిన ఈ మ్యాచ్లో అమెరికా పోటీకి దిగిన పేర్లు ఇక్కడ ఉన్నాయి:
ఇవి కూడా చదవండి
ఉత్కర్ష్ శ్రీవాస్తవ (కెప్టెన్)
అద్రిత్ ఝాంబ్
నితీష్ సుదిని
అర్జున్ మహేష్
అమరీందర్ గిల్
శబరీష్ ప్రసాద్
ఆదిత్ కప్ప
సాహిల్ గార్గ్
అమోఘ్ రెడ్డి ఆరెపల్లి
రిత్విక్ అప్పిడి
రిషబ్ షింపి
వీరితో పాటు రిజర్వ్ బెంచ్పై ఉన్న అద్వైత్ కృష్ణ, రేయాన్ తాజ్, సాహిర్ భాటియా, శివ శని కూడా భారత మూలాలు ఉన్నవారే.
కెప్టెన్ పుణే వాసి..
అమెరికా జట్టుకు సారథ్యం వహిస్తున్న ఉత్కర్ష్ శ్రీవాస్తవ మహారాష్ట్రలోని పుణేలో జన్మించారు. ఆ తర్వాత వారి కుటుంబం అమెరికాకు వలస వెళ్ళింది. కేవలం ఉత్కర్ష్ మాత్రమే కాదు, ఈ జట్టులోని మెజారిటీ తల్లిదండ్రులు హైదరాబాద్, గుజరాత్, పంజాబ్ రాష్ట్రాల నుంచి వెళ్లి అమెరికాలో స్థిరపడినవారే.
మ్యాచ్ విషయానికి వస్తే..
ఈ మ్యాచ్లో టాస్ గెలిచిన టీమ్ ఇండియా కెప్టెన్ ఆయుష్ మ్హత్రే ముందుగా బౌలింగ్ ఎంపికయ్యాడు. అమెరికా జట్టులో సుదిని 36 పరుగులతో టాప్ స్కోరర్గా నిలిచాడు, భారత బౌలర్ల ధాటికి అమెరికా 107 పరుగులకే కుప్పకూలింది. భారత ఫాస్ట్ బౌలర్ హెనిల్ పటేల్ 5 వికెట్లతో అమెరికా వెన్నువిరిచాడు. లక్ష్య ఛేదనలో భారత్ సునాయాసంగా విజయం సాధించింది.
క్రికెట్ ఇప్పుడు కేవలం కొన్ని దేశాలకే పరిమితం కాకుండా ప్రపంచవ్యాప్తంగా విస్తరిస్తోంది. ముఖ్యంగా వంటి దేశాల్లో భారతీయ సంతతి ప్రజలు అమెరికా క్రికెట్ను బ్రతికిస్తున్న తీరు అభినందనీయం. ఈ 2026 అండర్-19 వరల్డ్ కప్ ద్వారా అమెరికా జట్టులో ప్రతిభావంతులైన భారత సంతతి యువకులు తమ సత్తా చాటుకునే అవకాశం లభించింది. భవిష్యత్తులో వీరు అంతర్జాతీయ క్రికెట్లో కీలకంగా ఎదిగే అవకాశం ఉంది.
మరిన్ని క్రికెట్ వార్తల కోసం ఇక్కడ చూడండి..